Sunday 21 April 2013

Wariye Maxamed Ibraahim Raage oo galabta hoygiisa Muqdisho lagu dilay

Wariye Maxamed Ibraahim Raage oo galabta hoygiisa Muqdisho lagu dilay

by Jamaal
Nayroobi, Abril 21, 2013 (WDN)-ALLAHA u Raxmadee waxaa gabal dhicii maanta lagu diley degmada Dharkenlay ee gobolka Banaadir wariye Maxamed Ibraahim Raage, oo ka mid ahaa wariyayashii ka shaqeynayay idaacadda afka dowladda ku hadasha ee Radio Muqdisho.
Dilka wariye Raage, waxa fuliyay rag looga shakisan yahay inay Shabaab yihiin, kuwaas oo ku beegsaday wariyaha iridka hore ee hoygiisa Muqdisho xilli uu shaqadii ka soo laabtay, sida ay dadka deegaanka sheegeen.
Waxa la sheegay inay baxsadeen niman dhalin yaro ah oo bastoolado ku hubeysnaa, kuwaas oo dhowr xabbadood wariyaha qeybta sare ee jirkiisa uga dhuftay.
Isla goobta, ayuu ku dhintey Maxamed Ibraahim Raage. Booliska, ayaa sheegay inay baaritaanno hayaan.
Maxamed Ibraahim Raage waxa uu ifka kaga tagay laba caruur ah iyo xaas.
Waxa uu dhawaan ka soo laabtay dalka Uganda, oo uu in muddo ah ku noolaa, kadib markii uu dalka, gaar ahaan Muqdisho ka cararay sanadkii 2008-ddii markii ay bateen ugaarsiga wariyayaasha, xilligaas oo aan iskala howl gali jirney idaacadda Shabelle ee Muqdisho.
Intii uu Uganda joogay, ayuu Raage waxaa uu ka howl billaabay TV-ga qaranka Soomaaliyeed ee SNTV, oo uu uga soo hadlayay Uganda, waxana dabayaaqadii sanadkii hore dib uu ugu laabtay magaalada Muqdisho, markaas oo uu ka howl billaabay xarrunta Radio Muqdisho iyo Tv-ga qaranka Soomaaliyeed.
Innaa lillaah wa Innaa Ileyhi Raajicuun.
Jamaal A. Osman
WardheerNews.com
Nayroobi, Keenya
Jamaal | April 21, 2013 at 6:24 pm | Categories: NewsWarar | URL: http://wp.me/p2Y05p-15H
Comment   See all comments
Unsubscribe or change your email settings at Manage Subscriptions.

1 comment:

Anonymous said...

We would suggest stopping by the helpful website for additional info.



Here is my website - Mayhemrules.com

Why cows may be hiding something but AI can spot it

  By Chris Baraniuk Technology of Business reporter Published 22 hours ago Share IMAGE SOURCE, GETTY IMAGES Image caption, Herd animals like...