Tuesday 27 August 2013

DEG DEG:Wada-hadalladii usocdey dowladda faderaalka Soomaaliya iyo Jubbaland oo natiijo la’aan ku soo dhamaadey & iyo ergadii labada dhinac oo ka soo dhoofey Addis


Wada-hadalladii DFS iyo Jubbaland oo lugu soo kala kacay
Wada-hadalladii DFS iyo Jubbaland oo lugu soo kala kacay
Addis Ababa[RBC Radio]Warar soo gaarey goor dhaweed Raxanreeb.com ayaa sheegaya in ergadii ugu qeyb galeysey wada-hadallada dowladda faderaalka Soomaaliya iyo maamulka Jubbaland ay ka soo dhoofen magaaladda Addis Ababa,iyagoona usoo kici timey goobihi ay horey uga yimaaden.
Habeenkii xaley ayaa waxaa uu kulan dhexmarey ergada labada dhinac uga qeyb galeysa wada-hadallka,kaaso aysan wax natiijo ah kasoo saren,luguna kala dareerey.
Wada xaajodka usocdey muddadanba dowladda faderaalka Soomaaliya iyo maamulka Jubbaland ayaa ahaa mid lugu doonayey in lugu soo afjaro khilaafad dhexyaaley labada dhinac,taaso muddadanba dhextaaley Jubbaland iyo dowladda faderaalka.
Wada-hadalladan waxaa garwadeen ka ahaa uru goboleedka IGAD,waxana ka qeyb galayey xubno mataley beesha caalamka,waxaa la xaqiijiyey in dhinacyaadii shirka ugu qeyb galayey IGAD iyo beesha caalamkuba ay isaga baxeen shirarka ay lahaayen ergada labada dhinac taaso la sheegey inay ka danbeeysey kadib markii ay soo lab labten balanqadyo labada dhinac ay ku balameen oo ay san ka dhabeen.
Ergada uga qeyb galey wada-hadalka dhanka dowladda faderaalka Soomaaliya
Ergada uga qeyb galeysey wada-hadalka dhanka dowladda faderaalka Soomaaliya
Wararku waxaa ay sheegayan in IGAD iyo beesha caalamkuba ay ku eedeyen dowladda faderaalka Soomaaliya iyo ergadii wada-hadallka uga qeybgaleysey inaysan diyaar u ahyeen in xal laga gaaro khilaafka dhexyaala dowladda iyo maamulka Jubbaland.
Si kasto oo ay noqotaba waxaa sidaa ku buur burey wada-hadallkii aragtiyada kala duwan laga dhibanayey muddadanba,inkasto maal mihii danbe la saadaalinayey in an laga mira dhalin doonin shirka maadama ay badatey is qab qabsiga labada dhinac ee shirka ka qeyb galey.
Wada-hadalladan lugu kala soo tagey ayaa socdey muddo hal usbuuc ah,iyadoona muddada ay socdeen shirar isdaba joog ah oo an wax xalka aysan ka gaarin.
Ma ahaa markii ugu horeysey oo shir lugu doonayey in lugu xaliyo khilaafad dhex yaala dhinacyadda Soomaalida uu buur buur,balse waxaa jirta shirar sidan oo kale lugu kala soo tagey.
Illaa iyo xiligaan labada dhinac ee shirka usocdey kama aysan hadlin arrintan,balse wixii kusoo kordha kala soco Raxanreeb.com.
__________
Iimaan Maxamed Jaamac
Deegaan1994@gmail.com
RBC Radio

No comments:

Why cows may be hiding something but AI can spot it

  By Chris Baraniuk Technology of Business reporter Published 22 hours ago Share IMAGE SOURCE, GETTY IMAGES Image caption, Herd animals like...